2026-01-06 18:48
چیا پرێس _ شنگال
د هەوڵەکێ دا بۆ زێدەکرنا داهاتێ ناڤخۆی و پشت نەبەستن ب تنێ ب داهاتێ پەترۆلێ، حکومەتا عراقێ بڕیارا بلندکرنا پێناسا گومرکی بۆ هژمارەکا کەلوپەلان دەرخست. شارەزا و نوونەرێت بازرگانان هۆشداریێ ددن کە ئەڤ بڕیارە وێ باجەکا زێدە ئێخە سەر ملێت وەلاتیان.
زەنگا گرانبوونا کەلوپەلان
سەرۆکێ ئێکەتیا هاوردە و هناردەکاران ڕاگەهاند، هەر دەستکاریەک د ڕێژەیا گومرکێ دە بەر ب بلندبوونێ، وێ ڕاستەوخۆ رەنگڤەدان ل سەر نرخان د بازاڕی دە هەبە. ل گۆرت بۆچوونا وان، بازرگان نەچارن تێچوویێ زێدە یێ گومرکێ بێخنە سەر نرخێ تالیێ یێ کاڵای، و د ئەنجام دە وەلاتی وێ باجا وێ دن.
چاڤەڕێی کابینەیا نوو نە
سەرباری بڕیارێت گومرکی، نەجێگیریا بەردەوام یا بازاڕێ دراڤ و بهایێ دۆلار وەها کریە کە بازرگان ب هشیاری و "ترس"ـڤە مەعامەلێ بکن.
چاڤدێرێت سیاسی و ئابووری خوەیا دکن کە بازاڕ چاڤەڕێی پێک ئانینا و یەک ئالی یکرنا حکومەتا نوو یا عێراقێ یە. هیڤی ئەوە کە کابینەیا نوو سیاسەتەکا ئابووری و گومرکی یا جێگیرتر پەیڕەو بکە دا بکاربە هەڤسەنگیێ بۆ نرخان ڤەگەڕینە و بارگرانیا سەر وەلاتیان کێم بکە.