نووچە
|
244
2025-05-04 20:58
چیا پرێس - شنگال
رێڤەبەرێ پەروەردا شنگال یا زمانێ کوردی راگەهاند ئیسال ژی خوەندەکارێت شنگال یێت پۆلا 12ـێ ئامادەیی وێ ئەزموونێت وەزاری ل پارێزگەها دهۆکێ کن.
مەیسەر حەجی رێڤەبەرێ پەروەردا شنگال ئەو ژی ئاشکەرا کر، وەکە چەند سالێت دەرباس بووی حکومەتا هەرێما کوردستانێ وێ جهـ و حەوجەیێت وان خوەندەکارا ب ستۆیێ خوەڤە گرێ.
ل 1ـی حزەیرانا 2025ـێ ئەزموونێت پۆلا 12ـێ ئامادەیی ب هەردوو بەشێت خوە زانستی و وێژەیی ڤە ل هەرێما کوردستانێ و ناڤچەیێت جێناکۆک وێ برێڤەچن.
هەیاما چەند سالایە خوەندەکارێت شنگالێ یێت قۆناغێت وەزاری مەجبوور دبن بچن ل دهۆکێ ئەزموونا بکن ژبەر کە لیژنا ئەزموونا ل وەزارەتا پەروەردا حکومەتا هەرێما کوردستانێ ئامادە نینە پرسیارا بگەهینە شنگالێ و ل وێدەرێ چاڤدێریا ئەزموونا بکە.